7 ເຫດຜົນທີ່ຜູ້ຊາຍບາງຄົນ ຈີບສາວບໍ່ຕິດ
ການຈີບສາວບໍ່ຕິດກະມີຫຼາຍປັດໃຈ, ມີຫຼາຍໆຢ່າງເຂົ້າມາກ່ຽວ ແຕ່ ຢ່າເມົາມົວແຕ່ໂທດໂຊກຊາຕາ ບາງຄັ້ງເຮົາກໍ່ຄວນສັງເກດວ່າອາດຈະເປັນຍ້ອນໂຕເຮົາແນ່. ຕໍ່ໄປນີ້ຄື 7 ເຫດຜົນສ່ວນໃຫ່ຍທີ່ຜູ້ຊາຍບາງຄົນຈີບສາວບໍ່ຕິດ.
1. ເກິໆ ກະໆ ແລະ ມັກຄິດວ່າຜູ້ຍິງມັກຄົນຊົ່ວ.
ຜູ້ຍິງມັກຄົນຊົ່ວ, ເຮົາມັນດີເກີນໄປ… ແຕ່ລອງສັງເກດດີໆ ຄົນທີ່ໜ້າຕາຂີ້ຮ້າຍບາງຄົນໄດ້ແຟນສຸດງາມ ສຸດເຊັກຊີ, ຍ້ອນວ່າເຂົາເປັນຄົນທີ່ໝັ່ນໃຈໂຕເອງ, ກ້າເຮັດ ກ້າເວົ້າ, ກ້າຢອກ,ປ່ອຍຄາລົມ.. ເຮັດໃຫ້ຜູ້ຍິງຢູ່ນຳແລ້ວຕະຫຼົກ, ເຮຮາ, ແລະ ຫຼົງໃຫຼກັບຄາລົມ. ແລ້ວລອງມາຄິດເບິ່ງຖ້າເຮົາ ເກິໆ ກະໆ ເບິ່ງແບບບໍ່ໝັ້ນໃຈໂຕເອງ, ເວົ້າກະຍັງຂ້ອງໆ ຄາໆ ແລ້ວຜູ້ຍິງຈະເລຶອກເຮົາຫວາ ?
2. ມີໂລກສ່ວນໂຕສູງ.
ອັນນີ້ບັນຫາໃຫ່ຍເລີຍ, ມີແຟນເພສທີ່ເປັນຜູ້ຍິງ ສົ່ງມາລະບາຍກັບແອັດມິນເຕັມ ວ່າແຟນໂຕເອງເສີຍຊາ, ມີໂລກສ່ວນໂຕສູງ, ແຟນບໍ່ສົນໃຈ, ເວົ້າງ່າຍໆຄື ຜູ້ຍິງເຂົາກໍ່ບໍ່ມັກປານໃດ ທີ່ເຮົາມີໂລກສ່ວນໂຕສູງຫຼາຍເກີນໄປ.
ຄົນທີ່ມີໂລກສ່ວນໂຕສູງບໍ່ແມ່ນວ່າບໍ່ດີ, ມັນກະມີແນວດີຢູ່ຄື ເປັນຄົນທີ່ສະຫຼາດ ມີແນວຄິດສ້າງສັນດີ,ຕັ້ງໃຈ,ຈິດໃຈທຸ່ນທ່ຽງ,ສະມາທິດີ… ແຕ່ການທີ່ມີໂລກສ່ວນໂຕສູງຄືຈະບໍ່ດີກັບຊີວິດຄູ່ປານໃດ,ເຮົາຄວນຈະເປີດໃຈເບິ່ງຄົນອອ້ມຂ້າງແນ່, ບໍ່ແມ່ນຈະສົນແຕ່ກັບເລຶ່ອງໂຕເອງ.. ຕ້ອງຄິດໃນໃຈວ່າ ຄວາມສຳພັນຈະເກີດຂື້ນໄດ້ກໍ່ຍ້ອນ ການສຶ່ສານກັບຄົນພາຍນອກ ບໍ່ແມ່ນສືສານແຕ່ກັບໂຕເອງ.
3. ບໍ່ເຄີຍປ່ຽນແປງໂຕເອງ.
ບາງຄັ້ງກະອາດຈະມີຄົນມາຕິດຕາມການເຄື່ອນໃຫວຂອງເຮົາທາງໂລກອອນລາຍສ໌ ຫຼື ທາງຊີວິດຈິງ, ຖ້າສົມມຸດເຮົາຍັງມີນິໃສແບບເກົ່າໆ, ແບບວ່າ ມັກໄປຫຼິ້ນ,ກິນ, ເຮຮາ,ມັກຈົ່ມຂວັນຜູ້ນັ້ນຜູ້ນີ້, ມັກຈີບຜູ້ນັ້ນຜູ້ນີ້.. ອັນນີ້ກໍ່ອາດເຮັດໃຫ້ບໍ່ມີໃຜເຊຶ່ອໝັ້ນໃນໂຕເຮົານັ້ນ.
4. ຍັງໂທດໂຕເອງຕະຫຼອດ.
ຜູ້ຊາຍຫຼາຍຄົນກະຍັງໂທດຄວາມລວຍ ຄວາມທຸກ ກັນຢູ່… ແມ່ນຢູ່ວ່າ ຄົນລວຍສ່ວນໃຫ່ຍມັກຈະເໜຶອກວ່າ, ແຕ່ລອງສັງເກດເບິ່ງບາງຄູ່, ຄົນຂີ້ລ້າຍ,ຕຸ້ຍ,ບໍ່ໄດ້ລວຍ.. ກະຍັງສາມາດມີແຟນດີໆ ງາມໆໄດ້.. ກໍ່ຍ້ອນວ່າເຂົາບໍ່ລັງເລທີ່ຈະຈີບ, ເຂົາມີດີໃນໂຕ ກໍ່ຍົກສິ່ງທີ່ເປັນໂຕຂອງໂຕເອງຂື້ນມາໃຫ້ໂດດເດັ່ນເພຶ່ອມັດໃຈຜູ້ຍິງໄດ້, ແມ່ນຢູ່ວ່າຜູ້ຍິງຄົນນີ້ອາດຈະບໍ່ເຂົ້າກັນໄດ້, ແຕ່ມື້ໜຶ່ງຕ້ອງເຈິຄົນທີ່ ມັກໃນສິ່ງທີ່ເຮົາເປັນກໍ່ມີ. ຄິດບວກເຂົ້າໄວ້.
5. ບໍ່ຮັບຟັງເຫດຜົນ.
ຜູ້ຊາຍບາງຄົນ ມັກໃຈຮ້ອນ ແລະ ຕັດສິນໃນສິ່ງທີ່ເຫັນ. ບາງທີກໍ່ບໍ່ຍອມຟັງອີກຂ້າງ… ແລະ ຜູ້ຍິງສ່ວນໃຫ່ຍມັກໃຫ້ເປັນຄົນຮັບຟັງ.. ສັງເກດເຫັນຫຼາຍໆຄົນໃນປະຈຸບັນ,ຜິດກັບແຟນໄປແລ້ວ ຊ່ວງທີ່ຜິດກັບແຟນ ຖ້າມີໃຜເຂົ້າມາຟັງເຂົາລະບາຍ, ອາດຈະເຮັດໃຫ້ເກມປ່ຽນໄປ, ເຮັດໃຫ້ຜູ້ຍິງປ່ຽນມາຮັກຄົນໃໝ່ໄດ້….. ອັນນີ້ກໍ່ຄືກັນ, ບາງຄັ້ງກໍ່ລອງຟັງ ແລະ ໃຫ້ໂອກາດເຂົາສະແດງຄວາມຄິດເຫັນແນ່. ມັນຈະຊ່ວຍໃຫ້ເຂົາຮູ້ສຶກດີຂື້ນ.
6. ເຂົ້າຫາຜິດວິທີ.
ສ່ວນໃຫ່ຍຄວາມສຳພັນດີໆມັກເກີດຂື້ນຕອນທີ່ເລີ່ມຕົ້ນເຈິກັນ, ຄຳວ່າສະເປັກ, ມັນຍັງເປັນຄຳເວົ້າທີ່ແມ່ນຢູ່, ເພາະວ່າຖ້າສົມມຸດ ເຮົາເຮັດຜົມຊົງເກົາຫຼີ, ຫຼື ສັກລາຍ… ຖ້າໄປເຈິຜູ້ຍິງທີ່ບໍ່ມັກແນວນີ້, ບາງທີເຈິກັນປຸບ ໄປຢອກແຮງ, ໄປປ່ອຍຄາລົມນ້ຳເນົ່າຫຼາຍເກີນໄປ, ກໍ່ຢາກຍາກທີ່ເຂົາຈະຍອມຮັບເຮົາໄດ້.. ບາງຄົນກໍ່ມີແຕ່ລົມທາງໂລກອອນລາຍຫຼາຍເກີນໄປທີ່ຈະເຈິກັນໂຕຈິງ… ເພາະບາງທີຜູ້ຍິງອາດຈະໃຫ້ນ້ຳໜັກ ກັບຄົນທີ່ໝັ່ນມາເຈິໜ້າ,ກ້າເວົ້າຕົງໆ ຫຼາຍກວ່າຂໍ້ຄວາມທີ່ແຊັດກໍ່ເປັນໄດ້. ສະນັ້ນ, ກ່ອນຈະເຂົ້າຫາໃຜ ຄວນເຊັກເບິ່ງຝ່າຍຍິງໄວ້ກ່ອນ ວ່າເຂົາມັກຫຍັງ,ບໍ່ມັກສິ່ງໃດ.. ແລ້ວຈຶ່ງເລືອກວິທີທີ່ເໝາະສົມໃນການເຂົ້າຫາ.
7. ເລືອກມວຍບໍ່ຖືກຄູ່.
ໃຜເຄີຍເບິ່ງຕີມວຍຈະຮູ້ວ່າເວລາຈັບຄູ່ມວຍກັນເຂົາຈະຈັບໃຫ້ນ້ຳໜັກໂຕ ສູສີກັນທີ່ສຸດ, ແຕ່ຖ້າຕ່າງກັນຫຼາຍ ຝ່າຍທີ່ດ້ອຍກວ່າກໍ່ຈະບໍ່ມີທາງທີ່ຊະນະ. ຄວາມຮັກກະຄືກັນ ເຮົາຄວນເບິ່ງໂຕຂອງເຮົາເອງແນ່, ຜູ້ຊາຍຫຼາຍຄົນມັກຈ້ອງແຕ່ຊິເດັດດອກຟ້າ, ຈົນລືມໂຕເອງວ່າເຮົາບໍ່ຄູ່ຄວນ, ເພາະຜູ້ຊາຍຖືກກະຕຸ້ນອາລົມທາງເພດຜ່ານສາຍຕາ, ເລີຍບໍ່ແປກໃຈວ່າຜູ້ຊາຍສ່ວນໃຫ່ຍມັກແຍງແຕ່ຜູ້ຍິງງາມ, ແຍງແຕ່ລະດັບນາງຟ້າ ຈົນເບິ່ງສາວທີ່ທຳມະດາວ່າບໍ່ໜ້າສົນໃຈ. ບາງຄັ້ງການທີ່ຈະຈີບໃຜຈັກຄົນ ເຮົາຄວນເບິ່ງໂຕເອງແນ່, ເຊັ່ນ: ເບິ່ງຮູບຮ່າງໜ້າຕາເຮົາ, ເບິ່ງຖານະເຮົາ, ເບິ່ງພາບລວມຫຼາຍໆອັນ…. ແລະ ກໍ່ຄວນເລືອກຜູ້ຍິງທີ່ເໝາະສົມກັບເຮົາ. ສົມມຸດວ່່າຖານະເຮົາທຳມະດາ, ໄປເລືອກລົມຄົນທີ່ລວຍກວ່າ,ຖານະຕ່າງກັນຫຼາຍ, ເວລາໄປຈີບໄປລົມ ກໍ່ຕ້ອງໄດ້ມີຄ່າໃຊ້ຈ່າຍຫຼາຍເກີນໂຕເອງຈະຮັບໃຫວ, ສຸດທ້າຍໄປບໍ່ຮອດໃສກໍ່ອົກຫັກຍ້ອນເຂົາໄປຫາຄົນໃໝ່ທີ່ຖານະຊ່ຳກັນ.. ສະນັ້ນ, ຖ້າຜິດຫວັງຍ້ອນເລືອກຄົນທີ່ຕ່າງກັນຫຼາຍເກີນໄປ ກໍ່ຄວນລອງຢຸດ ແລ້ວກັບມາເບິ່ງຄົນຂ້າງໆເຮົາ, ເບິ່ງຄົນທີ່ເຂົາໃສ່ໃຈເຮົາ, ເບິ່ງຄົນທີ່ໄກ້ໆຄຽງກັນກັບເຮົາເບິ່ງ… ແລ້ວຈະເຮັດໃຫ້ເຮົາໄດ້ຮູ້ວ່າ ຜູ້ຍິງທຸກຄົນ ກໍ່ຈະມີສະເໜ່ສະເພາະໂຕໃນແບບທີ່ເຂົາເປັນ,ຖ້າເຮົາເປີດໃຈລອງພິຈາລະນາເຂົາ ກໍ່ອາດຈະເຮັດໃຫ້ເຮົາຮຽນຮູ້ຫຼາຍໆສິ່ງກໍ່ເປັນໄດ້…
ທັງໝົດ 7 ວິທີຂ້າງເທິງນັ້ນ ເປັນພຽງບາງເຫດຜົນທີ່ ແອັດມິນສັງລວມມາໃຫ້, ຄວາມຮັກ ມັນຈະເກີດຂື້ນໄດ້ກໍ່ມີຫຼາຍໆປັນໃຈ, ອາດຈະມີທັງເລຶ່ອງສະເປັກ,ເລຶ່ອງເນື້ອຄູ່ເຂົ້າມາກ່ຽວ.. ສຸດທ່້າຍແລ້ວ ສິ່ງທີ່ແອັດມິນຂຽນມາກໍ່ເປັນການເຕືອນໃຫ້ບາງຄັ້ງເຮົາກໍ່ຄວນກັບມາເບິ່ງໃນໂຕຂອງເຮົາເອງແນ່, ຮູ້ໄວ້ກະນຳເອົາໄປປັບປຸງ ປັບຈູນໃຫ້ເຂົ້າກັບຊີວິດເຮົາ, ບາງທີມັນອາດປົດລ໋ອກໃຫ້ເຮົາຈີບໃຜຕິດແລ້ວກໍ່ເປັນໄດ້…
ຂໍ້ມູນຈາກ: ທີ່ປຶກສາບັນຫາຊີວິດ, ຄອບຄົວ ແລະ ຫົວໃຈ
ความคิดเห็น
แสดงความคิดเห็น