ວິທີການເລີກສູບຢາດ້ວຍຕົນເອງ…ໂດຍບໍ່ໃຫ້ກັບໄປສູບໃໝ່ອີກເທື່ອ!!
ການທີ່ຈະເລີກສູບຢາມັນບໍ່ແມ່ນເລື່ອງງ່າຍໆ ເພາະມັນຕ້ອງໄດ້ໃຊ້ຄວາມອົດທົນສູງ, ຫຼາຍຄົນກໍສາມາດເລີກໄດ້ ບາງຄົນກໍກັບມາສູບຄືນ, ແຕ່ມື້ນີ້ຈະມາເຄັດລັບໃຫ້ລອງນຳເອົາໄປໃຊ້ວ່າຈະໄດ້ຜົນຫຼືບໍ່? ມາອ່ານກັນເລີຍ
ການກຽມຕົວກ່ອນເລີກສູບຢາ
1. ກຽມຕົວ ຕັດສິນໃຈຄັກແນ່ ຕັ້ງໃຈແລະຕັ້ງຄວາມຫວັງໄວ້ວ່າ “ທ່ານຕ້ອງເລີກໃຫ້ໄດ້”
2. ຕັ້ງເຫດຜົນໃນການເລີກ ທຸກຄືນກ່ອນເຂົ້ານອນທົບທວນເຫດຜົນນັ້ນ 10 ຮອບ
3. ຕັ້ງໃຈຄັກແນ່ເພື່ອສຸຂະພາບຂອງທ່ານ ຄິດເຖິງວ່າ ການສູບຢາເປັນການສິ້ນເປືອງເວລາໄປໂດຍບໍ່ມີປະ ໂຫຍດ
4. ຫຼີກລ້ຽງການຊື້ຢາສູບ ບ່ຽງເບນຄວາມສົນໃຈໃຫ້ກັບຕົວເອງ ຫັນໄປອອກກຳລັງກາຍ ດື່ມນ້ຳຫຼາຍໆ ພັກຜ່ອນໃຫ້ພຽງພໍ
5. ກຳນົດ “ມື້ປອດຢາສູບ” ຂອງຕົນເອງ ອາດເປັນມື້ສຳຄັນທາງສາສະຫນາ ວັນເກີດຂອງຕົນເອງຫຼືລູກ-ເມຍ
6. ເມື່ອເຖິງມື້ປອດຢາສູບທີ່ກຳນົດໄວ້ແລ້ວໃຫ້ຢຸດສູບ ຖິ້ມຢາສູບແລະອຸປະກອນທັງໝົດ ເພື່ອບໍ່ໃຫ້ສິ່ງເຫຼົ່ານັ້ນມກະຕຸ້ນຄວາມຢາກອີກ
7. ແຈ້ງຄົນໃນຄອບຄົວ ທີ່ເຮັດວຽກ ນາຍຈ້າງ ເພື່ອນສະນິດ ເພື່ອນຮ່ວມງານ ເພື່ອໃຫ້ເປັນກຳລັງໃຈເປັນແຮງສະໜັບສະໜູນໃຫ້ເລີກໄດ້ສຳເລັດ
8. ໃຫ້ງົດເຫຼົ້າ ກາເຟ ອາຫານລົດເຄັມ ຫຼີກເວັ້ນການຮັບປະທານອາຫານໃຫ້ອິ່ມເກີນໄປ ບໍ່ຄວນນັ່ງໂຕະອາຫານຫຼັງອາຫານດົນ ເພາະຫຼັງອາຫານທຸກມື້ຈະເກີດຄວາມຢາກສູບອີກ ຄວນດື່ມນ້ຳໝາກໄມ້ເຊັ່ນ ນ້ຳໝາກກ້ຽງ ນ້ຳໝາກນາວ ເພາະມັນເປັນກົດຈະຊ່ວຍຊະລ້າງນິໂຄຕິນອອກໄປ
9. ຕ້ອງເຂົ້າໃຈວ່າອາການຖອນຢາຈະເປັນຢູ່ພຽງຊົ່ວຄາວ 1-2 ອາທິດເທົ່ານັ້ນ ໂດຍຈະເປັນຫຼາຍທີ່ສຸດໃນອາທິດທຳອິດຫຼັງຈາກເລີກ ເມື່ອເກີດອາການຖອນຢາຫຼາຍຂຶ້ນ ຮ່າງກາຍຂອງທ່ານຍັງຕ້ອງເພິ່ງນິໂຄຕິນ ທ່ານຄວນຈະມີຄົນຊ່ວຍເຫືອໃຫ້ມີອຳນາດເໜືອມັນ ໂດຍຄອບຄົວ, ເພື່ອນ, ການອ່ານຫນັງສືແລະອື່ນໆ ຈະຊ່ວຍໃຫ້ທ່ານສາມາດຜ່ານພົ້ນຈຸດນັ້ນໄປໄດ້
ວິທີການເລີກສູບຢາ
1. ຫ່າງໄກຈາກຄົົນທີ່ສູບຢາ
2. ປ່ຽນແປງນິໄສການສູບ ບໍ່ສູບແບບສູບຄວັນເຂົ້າໄປເລິກໆເລື້ອຍໆ ສູບພຽງເຄິ່ງໜຶ່ງຂອງແຕ່ລະກອກສູບພຽງນ້ອຍໆໃນແຕ່ລະມື້
3. ຕັ້ງໃຈວ່າຈະສູບຊ້ຳໃດໃນ 1 ມື້ ບໍ່ສູບມົ້ວ ສູບພຽງເທົ່າທີ່ຕ້ອງການແທ້ໆ ຄວນເຕືອນຕົນເອງທຸກເທື່ອກ່ອນທີ່ຈະຈັບຢາສູບຂຶ້ນມາສູບ ຢ່າຈັບຂຶ້ນມາສູບໂດຍປາສະຈາກການຄິດ ພະຍາຍາມບິ່ງແຫວ່ນແລ້ວວາງໄມ້ຂີດແລະຢາສູບ ບອກກັບຕົວເອງວ່າເຮົາບໍ່ຕ້ອງການມັນ
4. ເມື່ອເຖິງວັນທີຈະເລີກໃຫ້ກຳຈັດຢາສູບທັງໝົດອອກໄປ
5. ຢຸດຊື້ເປັນຊ່ອງ ຢຸດພົກພາ ເຮັດໃຫ້ມັນເບິ່ງຍາກໃນການທີ່ຈະຈັບມາສູບ
6. ເມື່ອໃດທີ່ຮູ້ສຶກວ່າຢາກສູບ ເຮັດແນວອື່ນທົດແທນ ຫຼືປ່ຽນນິໄສເປັນການຮັບປະທານແທນ ເຊັ່ນ ດື່ມນົມ ດື່ມນ້ຳໝາກກ້ຽງ ກິນຂະໜົມຫວານ ຫຍ້ຳໝາກຝຣັ່ງ ແທນການສູບຢາ
7. ພິຈາລະນາເຖິງຜົນດີີໃນການເລີກສູບຢາ
8. ໃຫ້ລາງວັນກັບຕົວເອງສຳລັບການຢຸດສູບໄດ້ໃນ 1 ມື້ ເຊັ່ນ ໄປເບິ່ງໜັງ ແລະ ເຮັດກິດຈະກຳອື່ນໆ
9. ບໍ່ຕ້ອງຫ່ວງວ່າຈະຮູ້ສຶກຢາກນອນ ມັນເປັນພຽງອາການຊ່ວງສັ້ນໆ ແລ້ວຈະຜ່ານພົ້ນໄປໄດ້ ເຮັດສິ່ງທີ່ຕື່ນເຕັ້ນແທນ ເຊັ່ນ ການຫຼິ້ນກີລາ ການຖີບລົດ
10. ເມື່ອເຜີກັບໄປສູບອີກໂດຍບໍ່ຕັ້ງໃຈ ໃຫ້ກັບມາພະຍາຍາມໃໝ່
ຜົນດີຂອງການເລີກສູບຢາ
1. ການເລີກສູບຢາ ເຮັດໃຫ້ການຮັບລົດແລະກິ່ນຂອງອາຫານດີຂຶ້ນ ລົມຫາຍໃຈບໍ່ມີກິ່ນ ອາການໄອ ແລະເສມຫະຫຼຸດນ້ອຍລົງ ສະຫມອງ-ປອດໂປ່ງຫຼາຍຂຶ້ນ
2. ການເລີກສູບຢາ ເຮັດໃຫ້ຕົນເອງແລະຄົນອ້ອມຂ້າງ ຫຼຸດຄວາມສ່ຽງຕໍ່ການເກີດພະຍາດມະເຮັງຕ່າງໆ ໂດຍສະເພາະມະເຮັງປອດ ລວມເຖິງພະຍາດອື່ນໆ ເຊັ່ນ ພະຍາດລະບົບທາງເດີນຫາຍໃຈ ພະຍາດຫົວໃຈແລະຫຼອດເລືອດ
3. ການເລີກສູບຢາ ເຮັດໃຫ້ປະຫຍັດເງີນ ຕໍ່ຕົວເອງຄອບຄົວແລະປະເທດຊາດ
4. ການເລີກສູບຢາ ເຮັດໃຫ້ສິ່ງແວດລ້ອມດີຂຶ້ນ ເພາະອາກາດເປັນພິດນ້ອຍລົງ ເສດຂີ້ເຫຍື້ອນ້ອຍລົງ
5. ການເລີກສູບຢາ ເຮັດໃຫ້ສາມາດເຂົ້າສັງຄົມໄດ້ຢ່າງມີຄວາມສຸກ
ເຮົາຂໍເປັນກຳລັງໃຈໃຫ້ທ່ານ “ຜູ້ທີ່ຈະສາມາດເລີກສູບຢາ” ເພື່ອສຸຂະພາບຂອງທ່ານແລະບຸກຄົນອັນເປັນທີ່ຮັກຂອງທ່ານ
ຂໍຂອບໃຈຂໍ້ມູນດີໆຈາກ:ແຊຣ໌ຕໍ່Sharetors
ความคิดเห็น
แสดงความคิดเห็น